Daily Archives: July 20, 2026

 خیبر پختونخوا میں مون سون بارشوں کا سلسلہ شروع ہے، بعض اضلاع سے فلیش فلڈ کی اطلاعات موصول ہو رہی ہیں. ممکنہ ہنگامی صورتحال سے نمٹنے کے لیے تمام متعلقہ محکمے فیلڈ میں مکمل طور پر متحرک ہیں. عوام ندی نالوں، دریاؤں کے کناروں اور دیگر آبی گزرگاہوں کے قریب جانے سے گریز اور حکومت کی جانب سے جاری احتیاطی ہدایات پر عمل کریں. وزیراعلیٰ سہیل آفریدی کی ہدایت پر مون سون میں کسی بھی ہنگامی صورتحال سے نمٹنے کے لیے جامع کنٹیجنسی پلان بھی مکمل طور پر لاگو ہے.صوبے کے تمام 37 اضلاع اور 12 فرنٹ لائن محکموں کا ہنگامی پلان مکمل اور فعال ہے. شمالی اضلاع میں سیلاب اور گلاف جبکہ جنوبی اضلاع میں ہیٹ ویو سے نمٹنے کے لیے پلان پر عملدرآمد کے لئے ٹیمیں متحرک ہیں. تمام اضلاع میں کمانڈ اینڈ کنٹرول سسٹم،ایمرجنسی رسپانس پلان اور کنٹرول رومز فعال ہیں. 42 واٹر ریسکیو پوائنٹس، 185 ریلیف کیمپ اور امدادی سامان مون سون سے قبل تیار رکھا گیا ہے. دریاؤں اور آبی راستوں پر ریسکیو آپریشن کے لیے 4,164 کلومیٹر کے راستوں کی مکمل میپنگ کر لی گئی ہے. ریسکیو 1122 کے عملے کی چھٹیاں منسوخ کر کے اہلکار فیلڈ میں تعینات ہیں. 17 حساس اضلاع میں جدید ریسکیو آلات سے لیس واٹر ریسکیو پوائنٹس قائم ہیں. گلیشیئر پگھلنے کے خطرے سے دوچار 5 اضلاع کے لیے 50 کروڑ 50 لاکھ روپے کے ریلیف فنڈز مختص کر دیے گئے ہیں. گلیشیائی جھیل پھٹنے کے خطرات سے نمٹنے کے لیے 8 وادیوں میں نگرانی کا مؤثر نظام قائم کیا گیا ہے. ہیٹ ویو سے نمٹنے کے لیے 14 اضلاع میں خصوصی رسپانس میکانزم مکمل طور پر فعال ہے. سیلابی صورتحال سے نمٹنے کے لیے 503 بھاری مشینیں فیلڈ میں موجود اور 87.4 کلومیٹر شہری آبی گزرگاہوں کی صفائی مکمل کی جا چکی ہے. آبی گزرگاہوں سے 2,433 کنال پر تجاوزات ختم، پشاور میں 38 شہری سیلابی ہاٹ اسپاٹس پر خصوصی ٹیمیں تعینات ہیں. 22 مقامات پر دریاؤں کی نگرانی کے لیے جدید ٹیلی میٹری سسٹم فعال ہے. 55 شاہراہوں پر فلڈ مانیٹرنگ، متبادل راستوں کی منصوبہ بندی اور ہنگامی رسائی کا انتظام مکمل کر لیا گیا ہے. تمام شہری مراکز میں نالوں اور اسٹارم ڈرینز کی صفائی مکمل، پشاور سمیت بڑے شہروں میں ڈی واٹرنگ مشینیں پہلے سے موجود ہیں. تمام متعلقہ اداروں کے درمیان مربوط رابطہ نظام قائم کر دیا گیا ہے.  عوام کی جان و مال کا تحفظ صوبائی حکومت کی اولین ترجیح ہے. عوام سیاحتی علاقوں میں پولیس اور انتظامیہ سے تعاون کریں.

لنڈی کوتل سیلابی ریلے میں بہہ جانے والے جاں بحق ہونے والے افراد کی تعداد 6 ہوگئی۔ شدید بارش اور سیلابی ریلوں سے تباہی، مختلف واقعات میں 6 افراد جاں بحق، درجن سے زائد زخمی ہوئے۔سلطان خیل کے قریب سیلابی ریلے میں بہہ جانے والے 3 افغان شہری جاں بحق ہوگئے۔ جمرود جبہ کے رہائشی فرحان ولد راصم گل کی لاش ریسکیو 1122 نے سیلابی ریلے سے برآمد کر لی۔ صدوخیل کے رہائشی ابوزر ولد عمران اور سیف اللہ ولد عرفات سیلابی ریلے میں بہہ کر جاں بحق.

جاں بحق افراد کی لاشیں اسپتال منتقل کرکے قانونی کارروائی کے بعد ورثا کے حوالے کر دی گئیں۔ لنڈی کوتل میں رابطہ سڑکیں متاثر، 10 سے زائد گھروں کی چاردیواریاں اور کچے مکانات کو نقصان پہنچا ہے۔ متاثرہ علاقوں میں امدادی کارروائیاں جاری، زخمیوں کو اسپتال منتقل کیا جا رہا ہے۔ عوامی و سماجی حلقوں کا پاک افغان شاہراہ پر سیلابی گزرگاہوں پر مستقل پل تعمیر کرنے اور متاثرین کو فوری امداد فراہم کرنے کا مطالبہ کیا۔

پشاور: ڈائریکٹر جنرل ریسکیو 1122 شاہ فہد کی زیر صدارت موسمی صورتحال پر ہنگامی آن لائن زوم اجلاس منعقد کیا گیا۔ تمام ضلعی ایمرجنسی افسران کو خصوصاً حساس اضلاع میں مکمل ہائی الرٹ رہنے کی ہدایات جاری۔ مون سون بارشوں کے پیش نظر پہلے سے منظور کردہ جامع پلانز کے مطابق خدمات کو یقینی بنایا جائے۔تمام اضلاع میں ریسکیو اہلکار، ایمرجنسی گاڑیاں، واٹر ریسکیو بوٹس، خصوصی آلات اور مشینری ریسپانس کے لیے موجود ہیں۔ سیلابی اور حساس اضلاع میں قائم عارضی واٹر ریسکیو پوائنٹس پر ریسکیو اہلکاروں اور خصوصی واٹر ریسکیو آلات موجود ہیں۔

 ڈائریکٹر جنرل ریسکیو1122 ن اجلاس کے دوران بتایا کی واٹر ریسکیو ٹیموں کی دریاؤں، ندی نالوں، برساتی گزرگاہوں اور دیگر حساس مقامات پر مسلسل پٹرولنگ جاری ہے۔ عوامی تحفظ کے لیے ریسکیو1122 کی جانب سے لاؤڈ اسپیکرز کے ذریعے شہریوں کو ممکنہ موسمی خطرات، سیلابی ریلوں اور احتیاطی تدابیر سے مسلسل آگاہ کیا جا رہا ہے۔  شہریوں سے اپیل ہے کہ غیر ضروری سفر، برساتی نالوں اور دریاؤں کے قریب جانے سے گریز کریں۔ عوام الناس کسی بھی ہنگامی صورتحال میں فوری طور پر 1122 پر رابطہ کریں۔ مون سون سے متعلق تمام صورتحال کی لمحہ بہ لمحہ نگرانی صوبائی ہیڈکوارٹر میں کی جا رہی ہے۔

خیبرپختونخوا سمیت مردان میں اسکمڈ ملک پاؤڈر، پانی اور کیمیکلز ملا 600 لیٹر دودھ تلف، ملک شاپ سیل کر دی گئی۔بنوں میں خشک دودھ سے تیار ملاوٹی دودھ پکڑا گیا، 500 لیٹر دودھ تلف، بھاری جرمانہ اور قانونی کارروائی کی گئی۔سوات میں بھی موٹر وے اور لنڈاکے چیک پوسٹس پر کاروائیاں،  3000 لیٹر سے زائد غیر معیاری دودھ تلف۔چارسدہ میں فوڈ اتھارٹی کی کارروائی، 450 لیٹر غیر معیاری جوسز اور کولڈ ڈرنکس ضبط، دو ہول سیلرزپر  جرمانہ عائد ۔پشاور ٹیم کی بھی واٹر پلانٹس کے معائنے،ایک یونٹ سے 600 لیٹر مس لیبل شدہ بوتل بند پانی برآمد کرکے موقع پر تلف، جرمانہ عائد۔چارسدہ میں ممنوعہ چائنہ سالٹ رکھنے پر ہول سیلر کے خلاف کارروائی، جرمانہ عائد۔ملاکنڈ میں خفیہ اطلاع پر کارروائی، معروف برانڈز کے تقریباً 1000 لیٹر جعلی مشروبات ضبط، ملزم گرفتا، مزید قانونی کارروائی شروع کر دی گئی ہے۔ شہریوں کی صحت سے کھیلنے والوں کیساتھ آہنی ہاتھوں سے نمٹا جائے گا۔