محکمہ موسمیات کی جانب سے جاری کردہ موسمی پیشگوئی کے مطابق 18 جولائی سے 25 جولائی 2026 تک خیبرپختونخوا سمیت ملک کے مختلف علاقوں میں بارشوں، آندھی اور گرج چمک کے ساتھ شدید بارشوں کا امکان ظاہر کیا گیا ہے۔ بعض مقامات پر اربن فلڈنگ، مقامی ندی نالوں میں طغیانی، لینڈ سلائیڈنگ اور نشیبی علاقوں میں پانی جمع ہونے کا خدشہ بھی ظاہر کیا گیا ہے۔ضلع بھر کے تمام ریسکیو اسٹیشنز، ایمرجنسی گاڑیاں، واٹر ریسکیو آلات اور امدادی ٹیموں کو کسی بھی ممکنہ ہنگامی صورتحال سے نمٹنے کے لیے تیار رہنے کی ہدایت جاری کر دی گئی ہے۔

ریسکیو 1122 ٹانک عوام الناس سے اپیل کرتی ہے کہ بارش کے دوران غیر ضروری سفر سے گریز کریں۔ندی نالوں، برساتی گزرگاہوں اور سیلابی ریلوں کے قریب جانے سے اجتناب کریں۔بچوں کو بارش کے پانی، تالابوں اور ندی نالوں میں نہانے سے روکیں۔کچی اور خستہ حال عمارتوں میں رہائش اختیار کرنے سے گریز کریں۔بجلی کے کھمبوں، لٹکتی تاروں اور خراب برقی تنصیبات سے دور رہیں۔موسمی صورتحال اور سرکاری ہدایات پر عمل کریں۔ریسکیو 1122 ٹانک کی تمام امدادی ٹیمیں 24 گھنٹے عوامی خدمت کے لیے تیار ہیں۔ کسی بھی ایمرجنسی کی صورت میں فوری طور پر 1122 پر رابطہ کریں۔