لنڈی کوتل جرگہ ہال میں خیبر پښتو ادبي جرګه کے زیر اہتمام پشتو زبان کے عظیم شاعر بابائے غزل امیر حمزہ خان شینواری کی 30 ویں برسی کے سلسلے میں شاندار تقریب کا انعقاد کیا گیا جس میں خیبر پختونخوا اور افغانستان کے مختتلف صوبوں سے تعلق رکھنے والے عظیم شعراء ، ادیب ، دانشوروں، قبائلی مشران اور ہر مکتب فکر کے لوگوں نے کثیر تعداد میں شرکت کی، پروفیسر ڈاکٹر تواب شاہ مسرور نے تمام مہمانوں کو خوش آمدید کہا ، اس موقع پر شعراء نے اپنے خطابات اور بہترین کلام کے ذریعے امیر حمزہ خان شینواری کی ادبی اور شاعرانہ صلاحیتوں کو زبردست الفاظ میں خراج تحسین پیش کیا اور کہا کہ امیر حمزہ خان شینواری پشتو زبان کے نامور شاعر اور عظیم شخصیت تھے، مقررین کا کہنا تھا کہ حمزہ بابا کی شاعری اور نثر پشتون قوم کے لئے مشعل راہ ہے جس ہمیں سبق سیکھنا چاہئے ، تقریب میں مشاعرے کا بہترین اہتمام کیا گیا تھا.
