آج عالمی یوم تھیلیسیمیا کے حوالے سے بلڈ چین پاکستان صوابی اور اسلامک سٹی چلڈرن ویلفئیر آرگنائزیشن کی جانب سے آگاہی سیمینار اور آگاہی واک زیر صدارت حاجی فضل ستار صابر منعقد ہوا۔ اس موقع پر 92 نیوز کے چیف رپورٹر معروف صحافی مصطفیٰ کمال نے بطور مہمان خصوصی شرکت کی۔ دیگر مقررین میں بلڈ چین پاکستان صوابی کے ڈسٹرکٹ کوآرڈینیٹر آصف علی یعقوبی، ڈاکٹر منیبہ زاہد، زاہد الرحمن، نورالامین سوڈھیر اور آفاق خان یعقوبی نے تھیلیسیمیا کے مسائل اور حل کے لئے چیلنجز اور تجاویز پر روشنی ڈالی۔