گورنرخیبر پختونخوا کی شہید کرنل شیر خان کی قبر پر حاضری

گورنر خیبر پختونخوا فیصل کریم کنڈی نے ضلع صوابی میں موجود شہید کیپٹن کرنل شیر خان کی مزار پر حاضری دی۔ گورنر نے مزار پر پھولوں کا گلدستہ رکھا۔ فاتخ خوانی کی اور کرنل شیر خان سمیت تمام شہداء کے درجات بلندی اور ملکی استحکام و ترقی کی دعا کی۔ اس موقع پر میڈیا سے گفتگو کرتے ہوئے گورنر نے کہا کہ 9 مئی کے واقعات سے ملکی ساکھ کو نقصان پہنچا۔ انہوں نے کہا کہ آج کے دن ایک سال قبل ملک میں آگ لگا کر ملک دشمنوں کے مفادات پورے کیے گئے، پوری قوم ریاست و عدالتوں سے 9 مئی کے شر پسند عناصر کو قرار واقعی سزا کی منتظر ہے۔ انہوں نے مزید کہا کہ اگر 9 مئی کے شرپسند ملک دشمن عناصر کو سزا نہ ملی تو کل کوئی اور گروہ ایسی مزموم سازش کیلئے نکل آئے گا، ایک سال قبل آج کے دن شہداء کے مجسموں اور یادگاروں کو جلا کر شہداء کے وارثین کے دل زخمی کئے گیے۔