جمرود باب خیبر کے مقام پر پاکستان زندہ باد و افواج پاکستان زندہ باد ریلی نکالی گئی۔ تفصیلات کے مطابق جمرود باب خیبر کے مقام پر سوشل ورکر و مسلم لیگ ن کے رہنماء پیر زادہ پیر کے قیادت میں 9 مئی کے مناسبت سے پاکستان زندہ باد و افواج پاکستان زندہ باد ریلی نکالی جس میں سابقہ فاٹا خاصہ دار و لیویز فورس کمیٹی ممبران سید جلال وزیر،ڈی ایس پی مظہر آفریدی سمیت دیگر اراکین بھی شامل تھے۔ریلی شرکاء کا کہنا تھا کہ آجکے روز نا صرف سانحہ 9 مئی کی مذمت کرتے ہیں بلکہ پاک فوج کو خراجِ تحسین بھی پیش کرتے ہیں جس طریقے سے انہوں نے صبر کا مظاہرہ پیش کرتے ہوئے پاکستان کو تباہی سے بچایا اور دشمن کے منصوبے کو ناکام بنایا۔ بلاشبہ 9 مئی کے دن کو بدقسمتی سے تاریخ میں سیاہ دن کے طور پر یاد رکھا جائے گا کہ جس روز شرپسندوں نے وہ کام کیا جسے بھارت جیسا دشمن ملک بھی نا کرسکا۔جو لوگ اعلانیہ انتشار پھیلاتے ہوئے قائدِ اعظم محمد علی جناح کے گھر کو جلانے آئے اور شہداء کی بے حرمتی کی وہ کسی معافی کے مستحق نہیں ہے۔ پاکستان افواج کے ساتھ کھڑے رہیں گے۔ہم پاک فوج کے سربراہ اور چیف جسٹس آف پاکستان سے مطالبہ کرتے ہیں کہ جو اس سانحہ کے ذمہ دار ہیں انہیں کڑی سے کڑی سزا دی جائے۔
