صوبائی وزیر مال واسٹیٹ خیبر پختونخواہ نذیر احمد عباسی کی زیر صدارت میں منعقد ہونے والے اعلی سطحی اجلاس میں فیصلہ کیا گیا ہے صوبے بھر میں سرکاری اراضی پر ہونے والے قبضہ مافیاء کے خلاف عنقریب گرینڈ آپریشن شروع کیا جائے گا اور صوبے کے تمام اضلاع میں بلا تفریق آپریشن کیا جائے گا اور سرکاری اراضی کو مافیاء کے قبضے سے ہر حالت واگزار کروایا جائے گا اجلاس میں سینئیر ممبر بورڈ آف ریونیو سید امتیاز حسین شاہ کے علاوہ تمام متعلقہ افسران نے شرکت کی اور آئندہ ہونے والے اجلاس میں مذکورہ گرینڈ آپریشن کو حتمی شکل دی جائے گی اور صوبے کے تمام اضلاع میں سرکاری اراضی پر قبضے کی مکمل تفصیلات اجلاس میں پیش کی جائے اور کی نشاندہی بھی کی جائے اس موقع پر صوبائی وزیر مال واسٹیٹ نذیر احمد عباسی نے وزیر اعلی خیبر پختونخواہ سردار علی امین خان گنڈاپور کی خصوصی ہدایات پر یہ آپریشن شروع کیا جا رہا ہے اور اسے منطقی انجام تک پہنچایا جائے گا اور بلا تفریق و رعایت کاروائیاں کی جائیں گی اور اس سلسلے میں تمام متعلقہ اداروں کو بھی اعتماد میں لیا جائے گا ہر قیمت پر سرکاری اراضی کو قبضہ مافیاء سے واگزار کروایا جائے گا اس وقت پورے صوبے میں مختلف مقامات پر بدقسمتی سرکاری زمینوں پر قبضہ مافیاء نے قبضہ کر رکھا ہے۔
