بھارت کی جا رحیت کیخلا ف ریلی جمرود کے تاریخی مقام بابِ خیبر سے نکا لی گئی ۔ ریلی میں پولیس افسران، مقامی قبائلی عمائدین، سماجی رہنما اور عام شہری بڑی تعداد نےشریک کی ۔ مظاہرین نے ہاتھوں میں بینرز اور پلے کارڈز اٹھا رکھے تھے ۔ جن پر بھارت کی حالیہ سرحدی خلاف ورزیوں، کشمیری عوام پر مظالم، اور پاکستان کے خلاف اشتعال انگیز اقدامات کے خلاف شدید نعرے درج تھے۔ مظاہرین نے بھارت مخالف نعرے بازی کرتے ہوئے اقوامِ متحدہ اور عالمی برادری سے مطالبہ کیا کہ وہ بھارتی جارحیت کا سنجیدگی سے نوٹس لے اور جنوبی ایشیا میں امن و استحکام کیلئے کردار ادا کرے۔
قبائلی مشران،تحصیل چیئرمین حاجی عظمت خان، چیئرمین عبدالمنان مدوخیل، حضرت ولی آفریدی،خالد اکبر،حاجی خان،زیور جان سمیت دیگر مشران نے اس موقع پر قبائلی مشران نے خطاب کرتے ہوئے کہا کہ قبائلی عوام ماضی کی طرح آج بھی مادرِ وطن کے دفاع کے لیے ہر قسم کی قربانی دینے کو تیار ہیں۔ انہوں نے کہا کہ بھارت کا جنگی جنون پورے خطے کے لیے خطرہ بن چکا ہے، اور پاکستانی قوم اپنے اداروں کے ساتھ کندھے سے کندھا ملا کر کھڑی ہے۔
خیبر پولیس ڈی ایس پی سرکل جمرود محمد نواز،ایس ایچ او جمرود نسیم خان، ایڈیشنل ایس ایچ اوز خالد خان،غفار خان،حسین زادہ،رفیع اللہ سمیت دیگر پولیس نے کہا کہ پولیس صرف داخلی سیکورٹی تک محدود نہیں بلکہ قومی سلامتی کے ہر محاذ پر اپنی موجودگی یقینی بناتی ہے۔ انہوں نے کہا کہ خیبر پولیس قبائلی عوام کے شانہ بشانہ بھارتی مظالم کے خلاف آواز بلند کر رہی ہے، اور یہ مظاہرہ اسی اتحاد و یکجہتی کا مظہر ہے۔ احتجاجی مظاہرہ پرامن طور پر اختتام پذیر ہوا، اور آخر میں پاکستان کی سلامتی، کشمیری عوام کی آزادی، اور خطے میں امن کے قیام کے لیے خصوصی دعا کی گئی۔
