پاکستان نے شاندار کارکردگی کا مظاہرہ کرتے ہوئے روایتی حریف بھارت کو 14-1 کے واضح فرق سے شکست دے کر ویسٹ ایشیا بیس بال کپ کے فائنل میں جگہ بنالی۔
ایران میں کھیلے گئے میچ میں پاکستان نے ابتدا ہی سے اپنا تسلط قائم کیا اور پہلی ہی اننگ میں پانچ رنز بنا کر بھارت پر دباؤ ڈال دیا۔ تیسری اننگ میں مزید پانچ رنز کے ساتھ پاکستان نے میچ پر اپنی گرفت مضبوط کر لی۔
پاکستان کی جانب سے تھرڈ بیس پر کھیلنے والے حسین نے نمایاں کارکردگی کا مظاہرہ کیا۔ سینٹر فیلڈر وسیم اکرم اور ہٹر محمد ریحان نے بھی فتح میں اہم کردار ادا کیا۔ بولنگ کے شعبے میں محمد حارث نے 4.1 اننگز میں صرف 1 رن دے کر 4 کھلاڑیوں کو آؤٹ کیا۔ ریلیف بولرز سید محب شاہ اور حسین امام نے 2.2 اننگز میں 5 آؤٹ کرکے بھارت کی مشکلات میں مزید اضافہ کیا۔
بھارتی ٹیم نے فیلڈنگ میں 10 غلطیاں کیں اور بیٹنگ میں بھی مایوس کن کارکردگی کا مظاہرہ کیا۔ ان کے بولرز نے 8 واک دے کر پاکستانی بلے بازوں کو مزید مواقع فراہم کیے۔ پاکستان اب فائنل میں فلسطین کا مقابلہ کرے گا۔
