وزیراعظم یوتھ ٹیلنٹ ہنٹ یوتھ سپورٹس لیگ کے تحت خیبرپختونخوا کے دو بڑے شہروں، پشاور اور مردان میں خواتین باکسنگ ٹرائلز کا کامیاب انعقاد کیا گیا. جسے صوبے میں خواتین باکسنگ کے فروغ کے لیے ایک تاریخی اور انقلابی قدم قرار دیا جا رہا ہے۔ مقامی کھلاڑیوں کا کہنا ہے کہ یہ ٹرائلز مستقبل میں گراس روٹس لیول پر چھپے ہوئے بے پناہ ٹیلنٹ کو منظرِ عام پر لانے کا ذریعہ بنیں گے۔مردان سپورٹس کمپلیکس میں منعقدہ ٹرائلز کے چوتھے روز میڈیا سے گفتگو کرتے ہوئے مردان سے تعلق رکھنے والی نوجوان خواتین باکسرز سویرا اور ندا نے کہا کہ باکسنگ جیسے سخت اور تکنیکی کھیل میں خواتین کے لیے مواقع پیدا کرنا ایک مثبت پیش رفت ہے۔
مردان جیسے شہر میں خواتین باکسرز کیلئے اس سطح پر ٹرائلز ہوں گے۔ یہ ہمارے لئے نہ صرف اعتماد کی علامت ہے بلکہ ایک ایسا پلیٹ فارم ہے جس سے ہم قومی اور بین الاقوامی سطح تک پہنچ سکتے ہیں۔ وزیراعظم ٹیلنٹ ہنٹ پروگرام کے تحت ہری پور،سوات، پشاوراورمردان ہونیوالے ان ٹرائلز میں خیبرپختونخوا کے مختلف اضلاع سے نوجوان خواتین نے شرکت کی، جنہیں پروفیشنل کوچز نےانکی۔ سلیکشن کی۔ کوچنگ ٹیم کا کہنا تھا کہ صوبے میں خواتین باکسنگ کا رجحان بتدریج بڑھ رہا ہے اور کئی کھلاڑیوں نےتوان ٹرائلزمیں حیران کن صلاحیتوں کا مظاہرہ کیا۔ ٹرائلزکی ارگنائزرشبانہ خٹلک جوخودبھی سابق انٹرنیشلاتھلیٹ رہی ہیں اور باچاخان یونیورسٹی چارسدہ میںڈائریکٹرسپورٹس ہیں کا کہنا ہے کہ انہوں نے صوبے بھرمیں خواتین کھلاڑیوں کوایک بہترین ماحول فراہم کیا اور یہی وجہ ہے کہ خواتین باکسرزنے بہترین۔پرفارمس دکھاکرسب کو حیران کردیا۔ انہوں نے کہاکہ انشاء اللہ منتخب کھلاڑیوں کو مزید تربیت فراہم کی جائے گی۔
اس اقدام کا مقصد صرف مقابلہ بازی نہیں بلکہ خواتین میں خوداعتمادی، خودانحصاری اور جسمانی صحت کو فروغ دینا بھی ہے۔ اس سے قبل صوبے میں خواتین باکسنگ کو وہ اہمیت نہیں دی گئی جو مردوں کے مقابلےمیں دی جاتی رہی ہے، تاہم حالیہ ٹرائلز اور وفاقی حکومتی سرپرستی سے خیبرپختونخوا میں اس کھیل میں خواتین کی شمولیت کا نیا دور شروع ہو چکا ہے۔ مقامی سپورٹس حلقوں، کوچز، اور والدین نے اس اقدام کو سراہتے ہوئے وفاقی حکومت سے مطالبہ کیا ہے کہ باکسنگ کے علاوہ دیگر کھیلوں میں بھی خیبر پختونخوا میں خواتین کے لیے اسی طرح کے مواقع پیدا کیے جائیں تاکہ خیبر پختونخوا کی باصلاحیت بیٹیاں کھیلوں کےمیدان میں ملک کا نام روشن کر سکیں۔
