مردان – خیبرپختونخوا کے پہلے شہداء پولیس سپورٹس مقابلے کا انعقاد مردان میں ہوا، جس میں پانچ اضلاع مردان، چارسدہ، نوشہرہ، صوابی اور مہمند کے پولیس کھلاڑیوں نے مختلف کھیلوں میں بھرپور شرکت کی۔
انسپکٹر جنرل پولیس زلفیقار حمید کی ہدایات پر شہداء کی قربانیوں کو خراجِ عقیدت پیش کرنے کے لیے ان مقابلوں کا اہتمام کیا گیا۔ اختتامی تقریب پولیس لائنز مردان میں منعقد ہوئی، جس میں ریجنل پولیس آفیسر نجیب الرحمن، ڈی پی او مردان ظہور بابر آفریدی، ڈی ایس پیز، افسران، شہداء کے ورثاء اور کھلاڑیوں نے شرکت کی۔
تقریب کی خاص بات یہ تھی کہ فاتح کھلاڑیوں کو انعامات اور ٹرافیاں شہداء کے اہل خانہ نے دیں۔
فائنل مقابلوں کے نتائج:
فٹبال: مردان نے نوشہرہ کو شکست دی
کرکٹ: نوشہرہ نے مہمند کو ہرایا
بیڈمنٹن (مرد): مردان نے نوشہرہ کو شکست دی
بیڈمنٹن (خواتین): مردان نے نوشہرہ کو ہرایا
والی بال: مردان نے صوابی کو ہرایا
اس مقابلے کا مقصد نوجوان پولیس اہلکاروں کو صحت مند سرگرمیوں کی طرف راغب کرنا، شہداء کی قربانیوں کو اجاگر کرنا، اور بین الاضلاعی ہم آہنگی کو فروغ دینا تھا۔ افسران نے شہداء کو خراج عقیدت پیش کرتے ہوئے کہا کہ ان کی قربانیوں کو کبھی فراموش نہیں کیا جائے گا۔
