خیبرپختونخو کلچر اینڈ ٹورازم اتھارٹی کے زیراہتمام ہنرمیلہ اختام پذیر ہو گیا۔ ہنرمیلہ میں پاکستان کے چاروں صوبوں میں اظہار یکجہتی پر مبنی ڈرامہ شہ رگ پیش کیا گیا۔ میلہ میں مزاحیہ فنکار سید رحمان شینو اور خالدہ یاسمین نے مزاحیہ خاکے پیش کرکے ناظرین کو خوب محظوظ کیا۔ میلے کے اختتام پر سیکرٹری محکمہ سیاحت و ثقافت نے ہنرمندوں میں اعزازی سرٹیفیکیٹ تقسیم کئے۔
تین روزہ ہنرمیلہ میں 40 سے زائد ہنرمندوں نے دستکاری اشیاء اور روایتی کھانوں کے سٹالز سجائے ہوئے تھے۔ ہنر میلہ میں غیرملکی سیاحوں نے بھی دورہ کیا۔ روس سے آئے غیر ملکی سیاح پاکستانی ثقافت اور مہمان نوازی کی تعریف کئے بغیر نہ رہ سکے۔ ہنرمیلہ میں آئی فیمیلز کیلئے انٹری فری رکھی گئی تھی۔ بچوں کیلئے میجک شو، پلے ایریا اور بہت کچھ تفریح کا حصہ تھا۔
