طورخم: انسانی ہمدردی کی بنیاد پر افغانستان کے شہر جلال آباد سے تعلق رکھنے والے 10 روزہ بیمار بچے کو والدین سمیت طورخم بارڈر کے راستے پاکستان میں داخلے کی اجازت دے دی گئی۔
حکام کے مطابق نومولود کو فوری طبی امداد کی غرض سے پشاور کے حیات آباد میڈیکل کمپلیکس منتقل کر دیا گیا، جہاں اسے ضروری طبی سہولیات فراہم کی جا رہی ہیں۔
حکام کا کہنا ہے کہ یہ فیصلہ انسانی ہمدردی کی بنیاد پر کیا گیا تاکہ نومولود کو بروقت علاج فراہم کرکے اس کی جان بچائی جا سکے۔
