بنوں: گورنرگولڈ کپ فٹبال ٹورنمنٹ خان کلب میرانشاہ نے سیمی فائنل کیلئے کوالیفائی کرلیا

سپورٹس کمپلیکس بنوں میں جاری گورنرگولڈ کپ فٹ بال ٹورنمنٹ کے تیسرے کواٹرفائنل میں خان کلب میرانشاہ نے کرم فٹ بال کلب بنوں کو ہراکر سیمی فائنل کیلئے کوالیفائی کرلیا۔ میچ کے مہمان خصوصی پاکستان واپڈا ہائیڈرویونین کے زونل چیئرمین پیر اشفاق خان تھے جن کا میچ کے دوران دونوں ٹیموں کے کھلاڑیوں کے کے ساتھ تعارف کرایاگیااورگروپ فوٹو گرافی بھی کی گئی اس موقع پرڈی ایف اے بنوں کے صدر خوبان شاہ۔جنرل سیکرٹری اسراربنگش۔نصیب الرحمن۔ٹارگٹ بال انٹرنیشنل فیڈریشن کے عہدیداروضلعی سپورٹس ایسوسی ایشن کے جنرل سیکرٹری محمد نظام الحق۔ریاض خان۔ضیاء الدین۔حاجی تحسین خان ودیگر عہدیداران بھی موجود تھے۔دونوں ٹیموں کے مابین کانٹے دار مقابلہ دیکھنے کو ملا اور دونوں ٹیموں کے کھلاڑیوں نے گول کرنے کیلئے سیک دوسرے کے گول پوسٹ پرکمرتوڑ حملے کئے تاہم خان کلب میرانشاہ کی ٹیم ایک گول کرنے میں کامیاب ہوگئی اورمقررہ وقت کے احتتام پرخان کلب میرانشاہ نے کرم کلب بنوں کو صفر کے مقابلے میں ایک گول سے ہراکرسیمی فائنل میں جگہ بنائی۔