گورنر خیبر پختونخوا فیصل کریم کنڈی سے سمندرپاربزنس فورم برطانیہ کے نمائندہ وفد کی گورنر ہاؤس میں ملاقات ہوئی۔ چیئرمین محمد فاروق خان کی قیادت میں وفد نے گورنر کو فورم کے زیراہتمام برطانیہ سمیت دیگرممالک میں پاکستانی مصنوعات و کاروبار کو فروغ دینے سے متعلق خدمات سے آگاہ کیا۔ وفد نے گورنر کو بتایا کہ پنجاب اور سندھ کے مقابلے میں خیبر پختونخوا سے ایکسپورٹ بالکل نہ ہونے کے برابر ہے۔ برطانیہ سمیت تمام یورپین ممالک میں خیبر پختونخوا کی کاروباری نمائش کیلئے کردار ادا کرنا چاہتے ہیں۔ خیبر پختونخوا کے کاروبار کو عالمی دنیا میں متعارف کرانے کیلئے سنجیدہ اقدامات کی ضرورت ہے۔ صوبہ میں سیاحتی شعبہ کی ترقی کیلئے متعلقہ درکار معاملات کو سہل بنانا ہو گا۔ بدقسمتی سے امن و امان کی ناقص صورتحال نے صوبہ کی انڈسٹری و کاروبار کو شدید متاثر کیا۔