سٹار فٹنس کلب کے پش اپ مقابلوں کا انعقاد
سٹار فٹنس کلب کے زیر اہتمام جشن آزادی کے حوالے سے پش اپ مقابلوں میں آذان خان نے پہلی، حیدر خان نے دوسری اور یاسین خان نے تیسری پوزیشن حاصل کی تفصیلات کے مطابق سٹار فٹنس کلب کے سینئر کوچ عثمان غنی کے زیر نگرانی گزشتہ روز پش اپ کے مقابلوں کا انعقاد کیا گیا جس میں دو درجن سے زائد تن ساز کھلاڑیوں نے حصہ لیا اس موقع پر باقی کلبوں کی کوچز اور ججز بھی موجود تھے مقابلے کی خاصیت یہ تھی کہ چھ سالہ کمسن بچے نے 110 پش اپ لگاکر سب کو حیران کردیا اور پہلی پوزیشن اپنے نام کی اسی طرح حیدر خان نے پچاس اور یاسین خان نے پچیس پش اپ لگاکر بالترتیب دوسری اور تیسری پوزیشنیں لیں آخر میں کھلاڑیوں کو سرٹیفیکیٹس اور ٹرافیوں سے نوازا گیا سینئر کوچ عثمان غنی نے کھلاڑیوں کی حوصلہ افزائی کی اور کہا کہ اس قسم کی مثبت سرگرمیاں نوجوان نسل کےلئے انتہائی ضروری ہیں جس سے نہ صرف ان میں آگے بڑھنے کا حوصلہ پیدا ہوتا ہے بلکہ وہ ذہنی و جسمانی طور پر بھی مضبوط رہتے ہیں۔
