گورنر خیبرپختونخوا فیصل کریم کنڈی کا بابائے قوم قائد اعظم محمد علی جناح کی برسی پر پیغام
قائداعظم محمد علی جناح کی قیادت اور ان کی بصیرت ہماری قومی تاریخ کا ایک روشن باب ہے۔ قائداعظم محمد علی جناح کی اصولی سیاست، بے لوث قیادت اور مسلمانوں کے لیے ایک علیحدہ وطن کی جدوجہد ہمارے لیے مشعل راہ ہے۔ آج ہمیں ان کے فرمودات کی روشنی میں پاکستان کو مضبوط اور خوشحال بنانے کا عہد کرنا چاہیے۔ قائد اعظم نے ہمیں اتحاد، تنظیم اور یقینِ محکم کا درس دیا تھا۔ آج ضرورت اس بات کی ہے کہ ہم ان اصولوں پر عمل پیرا ہو کر وطن عزیز کو درپیش چیلنجز کا مقابلہ کریں اور ملک کو ترقی کی راہ پر گامزن کریں۔ قائد اعظم کا مشن پاکستان کو ایک ترقی یافتہ، امن پسند اور خوشحال ملک بنانا تھا، جسے پایہ تکمیل تک پہنچانا ہم سب کی ذمہ داری ہے۔ فیصل کریم کنڈی
