گورنر خیبر پختونخوا فیصل کریم کنڈی کی خصوصی ہدایات پر چیئرمین ہلال احمر ضم اضلاع ایڈوکیٹ عمران وزیر نے پی آر سی ایس کرم ٹیم کی بدولت لوئر کرم سمیر آباد میں متاثرہ 170 خاندانوں میں کھانے کی مختلف اشیاء، صاف پانی کی بوتلیں اور مختلف ادویات فراہم کیں۔ گورنر فیصل کریم کنڈی کے ہدایت پر پوری ٹیم ہائی الرٹ ہے۔ ایمرجنسی رسپانس سروسز اور فری ایمبولینس سروسز بھی ہلال احمر پاکستان ضم اضلاع کی جانب سے دی جارہی ہیں۔
پشاور ہیڈ کوارٹر لوکل ایڈمنسٹریشن، نیشنل ہیڈ کوارٹر اور ضلع کرم ٹیم سمیت گورنر ہاؤس سے مسلسل رابطے میں ہے۔ انٹرنیٹ اور راستوں کی بندش کے باعث ٹیم کو مشکلات کا سامنا ہے۔ لوکل گورنمنٹ کی جانب سے بھی تاہم جانے کی اجازت نہیں ہے البتہ چیئرمین عمران وزیر کی سربراہی میں پوری ٹیم مکمل طور پر تیار ہے اور اجازت ملتے ہی امدادی سرگرمیوں کو اور بھی تیز کیا جائے گا۔ کسی بھی ناخوشگوار واقعات اور ضرورت پر ہلال احمر پاکستان ضم اضلاع برانچ پر ٹیلیفون رابطہ کیا جاسکتا ہے۔
