شہر میں ٹریفک کی روانی کو برقرار رکھنےکیلئے سٹی ٹریفک پولیس کا ایک اور اہم اقدام۔ شہر کے مصروف شاہراہوں کی ڈرون کیمرے سے نگرانیکی جائے گی۔ سی ٹی او سعود خان نے ڈرون کیمرے سے ٹریفک نگرانی کے عمل کا جائزہ لیا۔ ڈرون کیمروں سے ٹریفک کی صورتحال کا جائزہ لے کر فوری طور پر متبادل روٹ کی جانب ڈائیورٹ کیا جا سکے گا۔ اسی طرح ٹریفک روانی میں خلل کے وجوہ کی بھی فوری نشاندھی ہو سکے گی۔ سی ٹی او سعود خان نے ڈرون کے استعمال کو احسن اقدام قرار دیتے ہوئے کہا کہ اس عمل سے کسی بھی شاہراہ پر ٹریفک کے روانی کو برقرار رکھا جا سکے گا۔ سی ٹی او سعود خان نے واضح کیا کہ شہر میں ٹریفک کی روانی کو برقرار رکھنے کیلئے جدید دور کے تقاضوں کو ملحوظ خاطر رکھتے ہوئے اہم اقدامات کئے جا رہے ہیں۔
