خوشحال خان خٹک یونیورسٹی، کرک کے زولوجی ڈیپارٹمنٹ میں ریسرچ ماڈلز اور پوسٹرز کی نمائش کا انعقاد کیا گیا۔
کرک، 9 مئی 2024 – خوشحال خان خٹک یونیورسٹی، کرک کے شعبہ زولوجی نے جمعرات کو اپنے ریسرچ ماڈلز اور پوسٹر کےلئے ایک نمائش کا انعقاد کیا۔ نمائش کا افتتاح یونیورسٹی کے رجسٹرار ڈاکٹر رفیع اللہ خان نے کیا۔ انہوں نے تدریسی شعبون اور کمیونٹی میں اسطرح کی نمائش کی اہمیت کو اجاگر کیا اور نمائش کے انعقاد میں منتظمین کی کوششوں کو سراہا۔
اس تقریب نے طلباء اور فیکلٹی ممبران کو اپنے ریسرچ ماڈلز، پوسٹرز اور پروجیکٹس کی نمائش کے لیے اکٹھا کیا۔ اس موقع پر ڈاکٹر عبدالعزیز، ہیڈ ڈیپارٹمنٹ آف زولوجی نے ریمارکس دیتے ہوءے کہا کہ یہ نمائش علمی تحقیق کے لئے پلیٹ فارم فراہم کرتا ہے۔ انہوں نے کہا کہ نمائش زورآلوجی کے شعبے کو آگے بڑھانے میں ہمارے طلباء اور فیکلٹی کے جذبے اور لگن کو اجاگر کرتی ہے۔
سعدیہ نورین اور زہرہ سیف اللہ، لیکچرار زولوجی نے نمائش کے انعقاد میں اہم کردار ادا کیا، انہوں نے ڈاکٹر عبدالعزیز کے ریماکس کو بڑھاتے ہوئے طلباء کو پیشہ ورانہ ماحول فراہم کرنے کی اہمیت پر زور دیا۔
یہ نمائش، آفس آف ریسرچ، انوویشن، اینڈ کمرشلائزیشن (ORIC) کے تعاون سے منعقد کی گئی ہے، جس میں طلباء، فیکلٹی ممبران، انتظامیہ اور کمیونٹی نے حصہ لیا، نمائش میں حصہ لینے والوں کو مختلف قسم کے میڈیکل ٹیسٹ جیسے بلڈ گروپنگ اور شوگر ٹیسٹ کرنے کے مواقع بھی فراہم کیے گئے۔
