Daily Archives: July 29, 2024

سوات کے ہوٹلز کی رجسٹریشن فری کر دی گئی ہے، ڈی جی تاشفین حیدر

پی سی مالم جبہ، سوات سرینا ہوٹل سمیت تمام ہوٹلز مالکان سیاحوں کو ہر ممکن بہترین سہولیات فراہم کریں، حکومت کی جانب سے ہرممکن سہولیات فراہم کی جائینگی، ڈی جی ٹورازم اینڈ کلچراتھارٹی
سوات کے سیاحتی مقامات کا رخ کرنے والے سیاحوں کو ہوٹل مالکان صفائی، بہترین سروس سمیت ہر ممکن سہولیات کی فراہمی یقینی بنائیں۔ حکومت کی جانب سے ہوٹلز ایسوسی ایشن کوہر ممکن سپورٹ فراہم کی جائے گی۔ سوات کے ہوٹلز کی رجسٹریشن امسال فری کر دی گئی ہے۔ تمام ہوٹلز خیبرپختونخوا کلچراینڈ ٹورازم اتھارٹی کے ٹورسٹ سروسز ونگ میں اپنے ہوٹلز کی رجسٹریشن کروا سکتے ہیں۔ان خیالات کا اظہارڈائریکٹر جنرل خیبرپختونخوا کلچراینڈٹورازم اتھارٹی تاشفین حیدر نے سوات کے دورے کے موقع پر سوات ہوٹلز ایسوسی ایشن کے عہدیداران کے ساتھ گفتگو میں کیا۔ اس موقع پر ان کے ہمراہ ڈائریکٹر ایڈمن اینڈ فنانس محمد علی، جنرل منیجر ٹورازم و کنٹرولر ٹورسٹ سروسز ونگ سجادحمید اور دیگر اہم شخصیات موجود تھیں۔ ڈی جی ٹورازم اینڈ کلچراتھارٹی تاشفین حیدرنے سوات کے دورے کے موقع پر پی سی مالم جبہ، سوات سرینا ہوٹل سمیت مختلف ٹورسٹ انفارمیشن سنٹرز اور دیگر مقامات کا تفصیلی دورہ کیا۔ اس موقع پر ڈی جی ٹورازم اتھارٹی نے مالم جبہ روڈ پر مختلف مقامات پر سیاحوں کیلئے آرام گاہیں (ریسٹ ایئریاز) کا بھی دورہ کیا۔ ان کا کہنا تھا کہ پی سی مالم جبہ اور سوات سرینا ہوٹل سمیت تمام ہوٹلز مالکان سیاحوں کو صاف ستھرا ماحول، بہترین سروسز ہر ممکن بہتر سہولیات کی فراہمی یقینی بنائیں۔ بہترین سروسز کی فراہمی سے ہی نہ صرف سوات کے سیاحتی مقامات کا سیاح رخ کرینگے بلکہ صوبے سے ایک مثبت پیغام ملک اور دنیا کو جائے گا۔ ڈی جی خیبرپختونخواکلچراینڈٹورازم اتھارٹی تاشفین حیدر نے سٹاف کے ہمراہ فضاء گٹ سوات میں نئی بلڈنگ کا دورہ بھی کیا جہاں جلد سیاحوں کیلئے انفارمیشن سنٹر،ہوٹلز کی رجسٹریشن کیلئے ٹورسٹ سروسز ونگ آفس،سیاحت سے منسلک سٹیک ہولڈرز کی ٹریننگ کیلئے پیتھام آفس اور ٹریننگ سنٹرزقائم کیا جائے گا۔

تحصیل تخت بھائی کے نوجوانوں نے ماحولیاتی آلودگی ختم کرنے کے لئے پورے گاؤں میں شجرکاری مہم کا سلسلہ تیزی سے شروع کیا ہے۔

مشران بھی کے ٹیم ممبرز کی بھرپور حوصلہ افزائی کررہے ہیں۔ اپنی مدد آپ کے تخت شروع کی گئ مہم کے دوران مختلف پودے لگارہے ہیں۔ انھوں نے طلباء اور خاص کر نوجوانوں پر زور دیا ۔کہ وہ آگے آکرملک کو سرسبز و شاداب بنانے میں اپنے اپنے حصے کا کردار ادا کریں ۔انھوں نے کہا کہ تنظیم مختلف فلاحی ایکٹویٹی کررہے ہیں۔عوامی تعاون اور ممبران کی مکمل انڈر سٹینڈنگ سے مثبت نتائج سامنے آرہے ہیں۔

ہیپٹائٹس عالمی دن کے حوالے سے  وزیر صحت کا عوام کے نام آگاہی پیغام عوام محتاط رہیں، ابتک صوبے میں ہیپٹائٹس سی میں مبتلا 63 ہزار جبکہ ہپٹائٹس بی کے 21 ہزار سے زائد مریضوں کا مفت علاج کرکے صحت یاب ہوچکے ہیں، پچھلے آٹھ سال میں صوبے میں 16 لاکھ سے زائد مریضوں کی ہیپٹائٹس کی سکریننگ ہوچکی ہے، صوبے کے ہر ضلعے میں مفت سکریننگ اور علاج کی سہولت دستیاب ہے ۔وزیر صحت سید قاسم علی شاہ ہیپٹائٹس کے عالمی دن کے موقع پر جاری اپنے ویڈیو پیغام میں عوام سے اپیل کی ہے کہیں بھی خون کے انتقال سے قبل اس کی ہیپٹائٹس کی سکریننگ لازمی کروائیں اور علاج میں ہمیشہ ڈسپوزیبل سرینج کا استعمال یقینی بنائیں۔ ان کا مزید کہنا تھا کہ ایک سرنج کا بار بار استعمال قطعی نہ کریں۔ شیو کیلئے ہمیشہ نئے بلیڈ یا ریزر پر اسرار کریں۔ ان کے مطابق اس بابت محکمہ صحت ہسپتالوں میں آلات جراحی کی سٹریلائزیشن کو یقینی بنارہی ہے ۔ مراکز صحت میں ڈسپوزیبل سرنج استعمال ہورہے ہیں جبکہ ہسپتالوں کے کچرے کو دوبارہ استعمال سے روکھنے کیلئے انسریٹرز کے زریعے جلایا جاتا ہے۔ انہوں نے مزید بتایا کہ ہیلتھ کئیر کمیشن کو بھی ہسپتالوں میں سٹریلائزیشن کے معیار کو چیک کرنے کا اختیار دیا گیا ہے۔ ہم سب مل کر ہیپٹائٹس کو شکست دے سکتے ہیں۔ پروجیکٹ ڈائریکٹر انٹی گریٹڈ ھیپٹائٹس اینڈ ایچ آئی وی پروگرام ڈاکٹر طارق نے ورلڈ ہیپٹائٹس ڈے پر میڈیا اور عوام کیلئے جاری اپنے ویڈیو پیغام میں صوبے میں اس بیماری کی صورتحال اور اس کے سدباب کیلئے حکومتی اقدامات کا ذکر کرتے ہوئے کہا ہے کہ ابتک صوبے میں ہیپٹائٹس سی میں مبتلا 63 ہزار جبکہ ہپٹائٹس بی کے 21 ہزار سے زائد مریضوں کا مفت علاج کرکے صحت یاب ہوچکے ہیں۔ ان کے مطابق حکومت کی جانب سے صوبے کے ہر ضلعے میں ہیپٹائٹس کے تمام اقسام کی مفت سکریننگ اور علاج کی سہولت دستیاب ہے ۔ انہوں نے مزید بتایا کہ پچھلے آٹھ سال میں صوبے میں 16 لاکھ سے زائد مریضوں کی ہیپٹائٹس کی سکریننگ ہوچکی ہے۔ انہوں نے عوام اور طبی عملے سے اپیل کہ ہے کہ کسی بھی علاج معالجے کی صورت میں ہیپٹائٹس کی سکریننگ یقینی بنائیں تاکہ اس خطرناک مرض کے خفیہ پھیلاو کو روکا جاسکے ۔

خیبر پختونخوا کی مختلف جامعات کے طلبہ و طالبات نے پشاور میں پاک فوج کے ساتھ ایک دن گزارا۔ طلبہ وطالبات نے پاک فوج کے زیر استعمال چھوٹے بڑے ہتھیاروں سمیت آرمی ایویشن کے زیر استعمال جہازوں کا بھی مشاہدہ کیا۔ طلبہ و طالبات نے پاک فوج کے زیر استعمال ہتھیاروں میں خصوصی دلچسپی لی۔ طلبہ و طالبات نے وطن عزیز کے دفاع میں پاک فوج کی مثالی قربانیوں کو زبردست خراج تحسین پیش کیا اور اپنی افواج کے شانہ بشانہ کھڑے رہنے کے عزم کو دہرایا۔ طلبہ و طالبات نےاس طرح کے ایونٹس کو خوش آئند قرار دیا ۔

اس ایونٹ سے بہت سی غلط فہمیاں دور ہوئیں۔ یہ سفر ہمیشہ یاد رہے گا، ہم کافی انجوائے کر رہے اور فخر ہے کہ ہماری افواج کس جرآت مندانہ انداز سے وطن عزیز کے دفاع کیلئے جانوں کا نذرانہ پیش کر رہے ہیں، یہ ملک اور یہ فوج ہماری ہے اور ہم اپنی افواج کے ساتھ ہیں۔ سٹوڈنٹس

گورنرخیبرپختونخوا کا گورکھ ناتھ مندر تحصیل گور گٹھڑی کا دورہ ۔مندر پہنچنے پر ہندو برادری کیطرف سے گورنر کا والہانہ استقبال، ہار اور روایتی پگڑی پہنائی گئی۔گورنر نے مندر کے مختلف حصوں کا معائنہ بھی کیا، ہندو برادری کیجانب سے گورنر کو سووینئر پیش کیا گیا۔گورنر کو مندر کی انتظامیہ و ہندو برادری کیجانب سے مندر کی حالت زار میں بہتری، تزئین و آرائش کے مطالبات پیش کئے گئے۔ گورنر خیبر پختو نخوا نے تقریب میں بتا یا کہ اقلیتوں کے پاس خود چل کر جا رہا ہوں۔سپاس نامہ میں پیش کئے گئے مسائل  کے حل کیلئے متعلقہ اداروں کو فوری ہدایات دی جائیں گی۔پیپلزپارٹی نے ہمیشہ اقلیتوں کے حقوق، سینٹ و اسمبلی میں نمائندگی کے ساتھ شانہ بہ شانہ رکھا۔شہید ذوالفقار علی بھٹو اور شہید محترمہ بینظیر کی اقلیتوں کیلئے جذبہ و خدمات کی پالیسی پر گامزن ہوں۔ہندو برادری سمیت تمام اقلیتیں پاکستانی شہری ہیں ہم سب کا مشترکہ مقصد ملک کی ترقی و خوشحالی ہے۔خیبرپختونخوا سمیت ملک بھر میں اقلیتوں کے کردار کو قدر کی نگاہ سے دیکھتے ہیں۔ گورنر بننے کے بعد میری خواہش تھی کہ اس تاریخی مندر آوں۔ ہندو برداری کو درپیش مسائل کو ترجیحی بنیادوں پر حل کیا جائے گا ۔ پیپلزپارٹی نے ہمیشہ اقلیتوں کے حقوق کے لئے آواز اٹھائی۔گورنر خیبر پختونخوا نے بتایاپاکستان کے آئین میں بھی اقلیتوں کے حقوق واضح ہے۔ اگر باہر میں مسلمان اقلیتوں کے ساتھ ذاتی ہوتی ہمیں یہاں دکھ ہوتا۔پشاور: اس طرح ہمیں بھی یہاں کے اقلیتوں کے حقوق کا خیال رکھنا چاہیے ۔ آپ نے جو مسائل بیان کئے میں کل سے اس پر ترجیجی بنیادوں پر کام شروع کرونگا۔ صرف زبانی دعوے نہیں اقلیت کیلئے عملی اقدامات اٹھائینگے۔

مو نیشنل ہا ئی وے اینڈ مو ٹر وے کیجا نب سے شہریوں کو خبر دار کیا جا تا ہے کہ شدید با رشوں کی وجہ سے پشا ور تا اسلا م آبا د مو ٹر وے (M1) مسا فر گا ڑیو ں کیلئے بند کیا گیا ہے۔