خیبرپختونخوا کے تاریخی قلعہ بالا حصار پشاور میں یوم اقلیت کا عالمی دن منانے کی مناسبت سے ایک پروقار تقریب کا انعقاد کیا گیا اس تقریب کے مہمان خصوصی آئی جی ایف سی میجر جنرل عمران راؤ نے بطور مہمانِ خصوصی شرکت کی۔ تقریب میں اقلیتی برادری کے سرکردہ رہنماؤں میں جمعیت علمائے اسلام ف کے اقلیتی رکن قومی اسمبلی جیمز اقبال ۔ ممتاز مسیحی برادری کے پادری شہزاد ۔ رکن صوبائی اسمبلی عسکرپرویزکے علاوہ اراکینِ صوبائی اسمبلی (ایم پی ایز) بہاری لال، گرپال سنگھ، ، سریش کمار اور پی پی پی مینارٹی ونگ کے رہنما یوسف جارج نے بھی خطاب کیا اس موقع پر آئی جی ایف سی نے
اقلیتی برداری کی قربانیوں کا اعتراف کرتے ہوئے کہا کہ اقلیتی رہنماؤں نے ملک کی ترقی اور استحکام کے لیے اقلیتی برادریوں کے مایہ ناز کردار، خدمات اور لازوال قربانیوں کو بھرپور انداز میں اجاگر کیا۔ اس موقع پر مقررین نے اپنے خطاب کے دوران اقلیتوں کی جان، مال اور عبادت گاہوں کے تحفظ کی ضرورت پر زور دیا۔ رکن قومی اسمبلی جیمز اقبال نے ریاستی اداروں پر اعتماد اقلیتوں کے حقوق اور مذہبی آزادی کے تحفظ کے لیے ریاست، قومی اداروں اور سیکورٹی فورسز پر اپنے مکمل اعتماد کا اظہار کیا۔اس موقع پر پادری شہزاد مراد نے ائی جی ایف سی کا شکریہ اداکرتے ہوئے کہا کہ اقلیتی نمائندوں نے اقلیتی برادری کے ساتھ مسلسل تعاون اور حمایت پر آئی جی ایف سی میجر جنرل عمران راؤ کا خصوصی شکریہ ادا کیا۔ اس موقع پر تقریب کے دوران شرکاء کا لہو گرمانے کے لیے ملی نغمے بھی پیش کیے گئے، جبکہ مختلف شعبہ ہائے زندگی میں نمایاں کارکردگی دکھانے والے افراد میں اعزازی شیلڈز بھی تقسیم کی گئیں۔