خیبر پختونخوا میں سروسز کی فراہمی سے وابستہ کاروباری افراد اور اداروں کی سہولت اور آسانی کیلئے خیبرپختونخوا ریونیو اتھارٹی کی جانب سے صوبہ بھر میں رجسٹریشن مہم کا آغاذ کیا جارہاہے ۔
ڈائریکٹر جنرل خیبرپختونخوا ریونیو اتھارٹی فوزیہ اقبال کی ہدایات پر صوبہ بھر میں رجسٹریشن مہم کا باقاعدہ آغاذ 26 فروری بروز پیر سے کیا جارہاہے جو کہ بلا کسی تعطل کے 9 مارچ تک جاری رہے گی۔
کاروباری افراد کی سہولت کے لیے کے پی آر اے کے افسران پر مشتعمل ٹیمیں سروسز شعبہ سے وابسطہ کاروباری افراد اور اداروں کی دہلیز پر جا کر ان کو موقع پر کے پی آر اے کے ساتھ رجسٹریشن کی سہولت فراہم کریں گی۔
ڈائریکٹر جنرل کے پی آر اے فوزیہ اقبال کے مطابق رجسٹریشن مہم کے اغاذ کا مقصد صوبہ بھر میں سروسز کی فراہمی سے وابستہ کاروباری افراد کیلئے رجسٹریشن کے عمل میں مزید آسانی پیدا کرنا ہے ۔ ہماری ٹیمیں آپ کی دہلیز پر آکر آپ کو کے پی آر اے کے ساتھ رجسٹریشن کی سہولت فراہم کرے گی۔
فوزیہ اقبال کا کہنا تھا کہ ٹیکس ادا کرنا ہمارا قومی فریضہ ہے۔ آپ کے ٹیکسز سے نہ صرف آپ کا صوبہ مالی طور پرمستحکم ہوگا بلکہ آ پ کے پیسے آپ ہی کے علاقے کے ترقیاتی منصوبوں پر خرچ کیے جائیں گے جس سے آپ کے کاروبار میں مزید وسعت آئے گی اور ہمارا صوبہ بھی خوشحالی کی راہ پر گامزن ہوگا ۔
کے پی آر اے کے ساتھ رجسٹریشن سے متعلق یا سروسز پر سیلز ٹیکس سے متعلق کسی بھی قسم کی معلومات اور رہنمائی ہمارے واٹس ایپ نمبر، ٹیلی فون اور ویب سایئٹ پر جاکر بھی حاصل کی جاسکتی ہیں۔
یاد رہے کہ خیبر پختونخواسیلز ٹیکس آن سروز ایکٹ2022 کے مطابق سروسز سے وابستہ کاروبار پر سیلز ٹیکس لاگو ہے جس کے لیے کے پی آر اے کے ساتھ کاروبار کی رجسٹریشن قانونی طور پر فرض ہے اسی رجسٹریشن میں معاونت اور آسانی فراہم کرنے کیلئےرجسٹریشن مہم کا آغاز کیا جارہا ہے
