چارسدہ: ضلعی انتظامیہ کی جانب سےشجرکاری مہم کا آغاز

صوبائی وزیر فضل شکور خا ن نے باچا خان یونیورسٹی میں پودا لگا کر باقاعدہ مہم کا افتتاح ۔ درجہ حرارت میں اضافے اور موسمیاتی تبدیلیوں کے اثرات ہمارے خطے پر سیلاب سمیت دوسرے قدرتی آفات کی شکل میں ظاہر ہو رہے ہیں۔ جس سے ہر سال جانی اور مالی نقصانات کا سامنا کرنا پڑتا ہے۔ دوسری جانب موسمیاتی تبدیلیوں کے اثرات ہمارے زراعت پربھی پڑ رہاہے ۔جس کے باعث مستقبل میں ہمیں غذائی قلت کا سامنا کرنا پڑ سکتا ہے۔ اس لئے اب یہ لازمی ہو چکا ہے کہ ہم زیادہ سے زیادہ پودے لگا کر ان کی دیکھ بھا ل کو بھی یقینی بنائیں۔ ان خیالات کا اظہار صوبائی وزیر فضل شکور خا ن نے باچا خان یونیورسٹی میں پودا لگا کر باقاعدہ مہم کا افتتاح کیا۔اس موقع پر چیف کنزرویٹو فارسٹ، ایڈیشنل ڈپٹی کمشنر شہباز خٹک، اسسٹنٹ کمشنر علوینہ فیض، ایڈیشنل اسسٹنٹ کمشنر وقاص الرحمان سمیت مختلف سرکاری اداروں کے سربراہان، سٹوڈنٹس، عوامی اور سماجی افراد نے شرکت کی۔ اس موقع فارسٹ ڈیپارٹمنٹ اور الخدمت فاونڈیشن سمیت مختلف فلاحی تنظیموں نے میگا شجر کاری مہم میں حصہ لیا جس کے تحت یونیورسٹی کیمپس سمیت دیگر جگہوں پر دس ہزار پودے لگائے جائینگے۔ ڈپٹی کمشنر چارسدہ کا مزید کہنا تھا کہ ضلع چارسدہ میں ہر سرکاری ادارے کو الگ ٹاسک سونپ دیا گیا ہے کہ وہ مون سون شجر کاری مہم میں زیادہ سے زیادہ پودے لگاکر مہم کو کامیاب بنانے میں کردار ادا کرے۔ زیادہ سے زیادہ پودے لگا کر اپنے خیبر پختو نخوا کو خو بصورت بنا ئیں ۔