صوبائی دارلحکومت پشاور میں بی آر ٹی روٹ پر بسوں اور ویگنوں کا داخلہ ممنوع قرار دیا گیا ہے۔اس حوالے سے پشاور میں ٹریفک کی بھیڑ اور رکشہ / لوڈر کے مسائل کے متعلق کمیٹی کا اجلاس منعقد ہوا جس میں پشاور میں ٹریفک کے مسائل پر قابو پانے کے حوالے سے تفصیل سے بات چیت کی گئی کمیٹی نے بی آر ٹی روٹ پر بسوں اور ویگنوں کا داخلہ ممنوع قرار دیا اس کے ساتھ ساتھ دیگر راستوں پر بھی رکشوں کا داخلہ ممنوع قرار دیا گیا جن میں خیبر روڈ، یونیورسٹی روڈ پر تہکال سے اسلامیہ کالج تک اور مین صدر روڈ پر سٹیٹ بینک سے بلور پلازہ تک شامل ہیں۔ اس اقدامات کا مقصد پشاور میں ٹریفک کے مسائل پر قابو پانا ہے۔
