ایف آئی اے امیگریشن کی پشاور ائرپورٹ پر بڑی کاروائی

جعلی پاسپورٹس پر خواتین اور بچوں کی بیرون ملک سمگلنگ کو ناکام بنا دیا گیا۔ ایف آئی اے امیگریشن نے خاتون کو 5 بچوں سمیت آف لوڈ کیا تھا۔ بچوں کی عمریں 10 سے 18 سال کے درمیان ہیں۔ مسافر افغان پاسپورٹس پر یو کے جا رہے تھے۔ مسافروں کی جانب سے پیش کئے جانے والے افغان پاسپورٹ مشتبہ پائے گئے تھے۔ مسافر غیر قانونی طریقے سے بارڈر پار کر کے پاکستان داخل ہوئے تھے۔ مسافروں کا پاکستان آمد کے حوالے سے کسی قسم کا سفری ریکارڈ سسٹم میں موجود نہ تھا۔ ابتدائی تفتیش کے مطابق مسافروں نے ایجنٹ سے مذکورہ افغان پاسپورٹ حاصل کئے۔ افغان قونصلیٹ کی جانب سے بھی مسافروں کے پاسپورٹس کو جعلی قرار دیا گیا تھا۔ مسافروں کے خلاف اینٹی ہیومن ٹریفکنگ سرکل پشاور نے مزید تحقیقات کا آغاز کر دیا ہے۔