ایف آئی اے کوہاٹ زون کی بڑی کاروائی, وفاقی وزیر داخلہ محسن رضا نقوی اور ڈی جی ایف آئی اے احمد اسحاق جہانگیر کی ہدایات کی روشنی میں حوالہ ہنڈی اور غیر قانونی کرنسی ایکسچینج میں ملوث عناصر کے خلاف کریک ڈاؤن جاری ہے۔ حوالہ ہنڈی میں ملوث 2 ملزمان گرفتارکئے گئے۔ چھاپہ مار کاروائی خفیہ اطلاع موصول ہونے پر کیڈٹ کالج چیک پوسٹ کے پاس عمل میں لائی گئی۔ چھاپہ مار کاروائی میں پک اپ سے 7 کروڑ 49 لاکھ روپے برآمد کئے گئے۔ ابتدائی تفتیش کے مطابق برآمد شدہ رقم حوالہ ہنڈی کے کاروبار سے حاصل کردہ تھی۔ چھاپہ مار کارروائی میں ملزم سید امین اور شمس القمر کو حراست میں لے لیا گیا۔ ملزمان برآمد ہونے والی کرنسی کے حوالے سے حکام کو مطمئن نہ کر سکے۔ ملزمان کو گرفتار کر کے تفتیش کا آغاز کر دیا گیا ہے۔
