حکو مت خیبر پختونخواکا روٹی کی قیمت میں 5 روپے کمی کااعلان

وزیر اعلی خیبرپختونخوا علی امین گنڈاپور نے خیبر پختونخوا کے صوبائی وزیر خوراک ظاہر شاہ طور و اور سیکرٹری خوراک ظریف المعانی سے مشاورت کے بعد خیبر پختونخوا میں روٹی کی قیمت میں پانچ روپے کمی کرنے کا اعلان کردیا۔حکومت کی طرف سے جاری کردہ اعلامیہ کے مطابق 100 گرام روٹی کی قیمت 15 روپے اور 200 گرام روٹی کی قیمت 30 روپے ہوگی  ۔صوبا ئی  وزیر خوراک ظاہر شاہ طورو کا کہنا تھا کہ خیبر پختونخوا کی حکومت عوامی حکومت ہے عوام کی فلاح وبہبود کیلئے   اس قسم  کےاقدامات اٹھاتی رہے گی  ۔ خیبر پختونخوا کی عوام کو زیادہ سے زیادہ ریلیف دینے کیلئے مزید انقلابی اور عوام دوست اقدامات اٹھائے جائیں گے  ۔خیبر پختونخوا حکومت عوامی خدمت کے حوالے سے ایک بار پھر بازی لے گئی ہے ۔روٹی کی قیمت میں پانچ روپے کی کمی کا اعلامیہ جاری کردیاگیا ہے ۔