آپریشن عزم استحکام / افغانستان سے ہنڈی حوالہ کے ذریعے پشاور بھیجی جانے والی اور دہشتگردی مقاصد کیلئے استعمال ہونے والی کروڑوں روپے برآمد کئے گئے۔ پشاور صرافہ بازار سے گرفتار ملزم نے زیادہ رقم افغانستان سے بھیجنے کا اعتراف بھی کر لیا۔ پشاورمیں وفاقی تحقیقاتی ادارے نے غیر قانونی کرنسی کاروبار/حوالہ ہنڈی کے خلاف کارروائی کرتے ہوئے ملوث ملزم سے 23کروڑ روپے نقد برآمد کر لئے۔ ڈپٹی ڈائریکٹر ایف آئی اے نعیم خان کے مطابق پشاور کے اندرون شہر صرافہ بازار میں ہنڈی حوالہ اور غیر قانونی کرنسی ایکسچینج منیجر عطاء اللہ کو گرفتار کر لیا گیا،کرنسی کو دکان کے خفیہ خانوں میں چھپایا گیا تھا۔ غیرقانون کرنسی ایکسچیج کےخلاف ایف آئی اے کی اب تک تاریخ کی بڑی کارروائی ہے۔
نعیم خان کےمطابق کارروائی سے پہلے ایک ہفتے تک ریکی کی گئی،اصل سرغنہ خالد منظور کو گرفتار کرنے کیلئے کاروائی جاری ہے۔ ملزم خالد منطور سونے کی اسمگلنگ میں بھی ملوث ہے اور ایف آئی اے کو مطلوب ہے۔ خالد منظور کو پہلے بھی گرفتار کیا گیا تھا تاہم عدالت نے رہا کیا۔ گرفتار ملزم عطا اللہ نے اعتراف کیا ہے کہ زیادہ تر رقم افغانستان سے بھیجی جارہی تھی۔ ایف آئی اے حکام کے مطابق نامعلوم لوگوں کو بھیجی جانے والی رقم ملک کیلئے خطرہ ہے۔ غیر قانونی طریقہ کار سے بھیجی گئی رقوم پہلے بھی دہشت گردی اورغیر قانونی سرگرمیوں میں استعمال ہوئی رہیں۔
