وصال محمدخان
شہدائے پولیس کادن یعنی4اگست ہرسال ان بہادرپولیس اہلکاروں اورافسران کوخراج عقیدت پیش کرنے کیلئے منایاجاتاہے جنہوں نے وطن عزیزکی سلامتی،عوام کے جان ومال کی تحفظ اورامن وامان کے قیام کی خاطراپنی جانوں کانذرانہ پیش کیا۔یہ دن ہمیں یاددلاتاہے کہ امن وسکون اورقانون کی بالادستی ان بے شمارقربانیوں کاثمرہے جوپولیس کے جوانوں اورافسران نے ملک وقوم کی خاطردی ہیں۔ خیبر پختو نخوا پولیس نے دہشتگردی کے خلاف جنگ میں قربانیوں کی ایسی لازوال داستانیں رقم کی ہیں جوتاریخ میں سنہری حروف سے لکھی جائیں گی۔صوبہ خیبرپختونخوا کوگزشتہ نصف صدی سے امن وامان کے سنگین مسائل کاسامناہے۔ان مشکل حالات میں صوبے کی پولیس نے فرنٹ لائن فورس کے طورپرہمیشہ اپنی ذمہ داریاں لگن،ایمانداری اورحب الوطنی کے جذبے کے تحت اداکیں۔محدودوسائل کے باوجودپولیس افسران اورجوانوں نے اپنے اورعوام کے حوصلے بلندرکھے اورہرمحاذپرملک وقوم کی حفاظت کواپنی اولین ترجیح بنایا۔خیبرپختونخواپولیس کے ہزاروں افسران اوراہلکاران دہشتگردی کیخلاف جنگ میں شہیداورزخمی ہوئے انہوں نے تھانوں،چیک پوسٹوں،گشت کے دوران اور حساس تنصیبات کی حفاظت کرتے ہوئے اپنی جانوں کے نذرانے پیش کئے۔شہدائے پولیس نے ثابت کیاکہ وطن کی سلامتی اورعوامی تحفظ کیلئے جان کانزرانہ دیناان کیلئے سب سے بڑااعزازہے۔شہدائے پولیس کی ان عظیم قربانیوں کے سبب آج خیبرپختونخوامیں امن و امان کی صورتحال میں نمایاں بہتری دیکھنے کومل رہی ہے۔یہ کامیابیاں صرف قانون نافذکرنیوالے اداروں کی پیشہ ورانہ صلاحیتوں کانتیجہ نہیں بلکہ ان شہداکے خون کی مرہون منت ہیں جنہوں نے ملک وقوم کی خاطراپنی جانیں واردیں۔ہرشہیداپنے پیچھے ایک خاندان،والدین،شریک حیات اوربچوں کوچھوڑجاتاہے مگرانکے اہلخانہ صبر،حوصلے اوروطن سے محبت کی عظیم مثال قائم کرتے ہیں۔پوری قوم پرفرض ہے کہ وہ شہدا کے خاندانون کی عزت وتکریم،خدمت اوربھرپورمعاونت کرے کیونکہ شہداصرف پولیس کے نہیں بلکہ پوری قوم کے ہیروہیں۔امن کاقیام صرف پولیس کی نہیں بلکہ پوری قوم کی مشترکہ ذمہ داری ہوتی ہے۔ عوام اگرپولیس کے ساتھ تعاون کریں،مشکوک سرگرمیوں کی بروقت اطلاع دیں اورقانون کی پاسداری کریں توملک ومعاشرہ مزیدمحفوظ اورپرامن بن سکتے ہیں خیبرپختونخواپولیس اورعوام کے درمیان اعتماداورتعاون ہی دیرپاقیام امن کی ضمانت ہے۔شہدائے پولیس کادن ہمیں ان عظیم سپوتوں کی یاددلاتاہے جنہوں نے اپنی جانوں کا نذرانہ دیکرملک وقوم کوامن کاتحفہ دیا۔خیبرپختونخواپولیس کی لازوال قربانیاں پاکستانی تاریخ کاروشن باب ہیں۔آج پوری قوم اپنے شہدائے پولیس کوسلام پیش کرتی ہے اوراس عہدکی تجدیدکی جارہی ہے کہ ان قربانیوں کوفراموش کیاجاسکتاہے اورنہ ہی کبھی ایساکیاجائیگا۔ آج یوم شہدائے پولیس کے دن4اگست کوپوری قوم دست بدعاہے کہ اللہ تعالیٰ تمام شہداکے درجات بلندفرمائے،انکے اہلخانہ کوصبرجمیل عطافرمائے اوروطن عزیزپاکستان کوہمیشہ کیلئے امن،ترقی اورخوشحالی کاگہوارہ بنائے۔آمین