تحصیل رستم میں جشنِ آزادی کے سلسلے میں ایک پروقار تقریب کا انعقاد کیا گیا. جس میں تحصیل کی تاریخ میں پہلی بار 200 فٹ طویل پاکستانی پرچم کی شاندار نمائش کی گئی۔ بونیر روڈ پر منعقدہ تقریب میں سینکڑوں نوجوانوں نے ہاتھوں میں قومی پرچم اٹھا کر قومی یکجہتی اور وطن سے محبت کا عملی اظہار کیا۔ تقریب میں نوجوانوں کی بڑی تعداد نے بھرپور شرکت کی اور جشنِ آزادی کے حوالے سے جوش و خروش کا مظاہرہ کیا۔ 200 فٹ طویل قومی پرچم کی نمائش نے علاقے میں جشنِ آزادی کی خوشیوں کو دوبالا کر دیا، جبکہ شرکاء نے پاکستان سے اپنی والہانہ محبت اور قومی جذبے کا اظہار کیا۔