پشاور: محکمہ تعلیم خیبر پختونخوا نے صوبے کے میدانی علاقوں میں موسمِ گرما کی تعطیلات کا اعلان کر دیا ہے۔

ذرائع کے مطابق میدانی علاقوں کے سرکاری و نجی تعلیمی اداروں میں گرمیوں کی تعطیلات 22 مئی سے 31 اگست 2026 تک ہوں گی۔

اعلامیے میں بتایا گیا ہے کہ ابتدائی طور پر تعطیلات یکم جون سے 31 اگست تک مقرر کی گئی تھیں، تاہم عید کی تعطیلات اور 22 مئی کے بعد جمعہ، ہفتہ اور اتوار کی ہفتہ وار چھٹیوں کے باعث تعطیلات کا آغاز 22 مئی سے کرنے کا فیصلہ کیا گیا۔

محکمہ تعلیم کے مطابق اس فیصلے کا مقصد شدید گرمی کے پیش نظر طلبہ و طالبات اور تدریسی عملے کو سہولت فراہم کرنا ہے۔