ضلع ہنگو میں ’معرکۂ حق‘ کے ایک سال مکمل ہونے پر گورنمنٹ ڈگری کالج ہنگو میں تقریب کا انعقاد کیا گیا، جس کے بعد کالج سے مین روڈ تک ایک ریلی بھی نکالی گئی۔
ریلی میں ایڈیشنل ڈپٹی کمشنر عبدالنصیر سمیت مختلف مکاتبِ فکر سے تعلق رکھنے والے طلبہ نے شرکت کی۔ شرکاء نے قومی یکجہتی اور سیکیورٹی فورسز سے اظہارِ یکجہتی کے لیے بینرز اور پلے کارڈز اٹھا رکھے تھے۔
اس موقع پر اے ڈی سی عبدالنصیر نے خطاب کرتے ہوئے کہا کہ معرکۂ حق میں دشمن کے مذموم عزائم کو ناکام بنانے پر پاک فوج کو خراجِ تحسین پیش کرتے ہیں۔ ان کا کہنا تھا کہ آج پاکستان ترقی کی راہ پر گامزن ہے جبکہ دشمن کے ناپاک عزائم ناکام ہو چکے ہیں۔
تقریب کے اختتام پر شرکاء نے ملکی سلامتی، استحکام اور ترقی کے لیے دعا بھی کی۔